تااااااااااج العزيز محمد غاليه

السؤال الأول:ماهى السعادة من وجهة نظرك؟

شعور جميل بدفء الصدر وأنك تحلق في سماء الكون، طائر يحتضن الفضاء الرحب بجناحيه،حاملا في قللبه حباً لكل الموجودات.

السؤال الثانى: كيف تصل إلى السعادة؟

بص انا رأي بصراحة العزة في طاعة الله والسعادة في طاعة الله ، وده مش معناه اني عارفة اعمل كده وأني قادرة أحصل على السعادة.

السؤال الثالث: هل السعادة وهم أم أنها حلم صعب؟

مش وهم ، أنت مش بيجي عليك ساعات تلاقي الآخرة فتحالك أذرعها ، تلاقي نفسك بتصلي رعكتين الفجر كأنك مش عاوز تسيبهم ؟، مش وهم ومش حلم بص واقع لذيذ صعب المنال طبعاً لكن ليس مستحيل؟.

السؤال الرابع: هل السعادة طريق للنجاح ؟وضح؟

ساعات بتكون كده يعني قلبك لما يكون مفتوح على البحري وداخله هوا من كل حته حيتخنق من ايه؟ ولما يكون في الحالة دي والفرحة مش سايعاه بيكون قادر على التحمل والعطاء،أحنا مش أمهاتنا مهما حصل لهم بيدونا الحب؟ وبيكونوا ناجحين في توصيل فكرت حبهم لينا ؟ليه لأن قلبهم مليانة فرحة بينا وبحبهم لينا ...

وساعات بتكون السعادة وليدة النجاح ...يعني بص لأي حد نجح في حياته في اي شيء...حالة عارمة من الفرح ...

السؤال الخامس: ماهى أكثر اللحظات التى شعرت فيها بالسعادة؟

كتييييييييييييير بس يمكن لما بحس برضا الله ...طبعا يوم ما أمي رجعت من العمرة ، ربنا يخليكي ليا يا ست الكل

وكتير لما برجع البيت ألاقي وشها الحنين ببقى حاسه بسعادة مالهاش حدود.ربنا يرزقها الفردوس الأعلي

السؤال السادس:هل ممكن أن تحقق كل شىء؟

طبعاً لأ الكمال لله وحده، وتحقيق كل شيء يعني أن حياتي أنتهت.

السؤال السابع: السعادة تجعلك تقبل على الحياة أم لا؟

أعتقد الاجابة في السؤال الثالث والرابع

السؤال الثامن: هل أحسست يوما انك وصلت لقمة السعادة؟

أعتقد الاجابة في السؤال الثالث والرابع

السؤال التاسع: لماذا تمر أوقات السعادة بسرعة؟

لأنها حلوة وأنظر أيى أي قطعة سكر ستجدها تذوب سريعا ، والأحلام الحلوة تمر سريعا هذه هي الحياة

السؤال العاشر: هل ترى السعادة فى التدين؟

كل السعادة

كنا أذلاء فأعزنا الله بالإسلام فإن ابتغينا العزة في غيرة أذلنا الله

حقا وصدقا

السؤال الحادى عشر: هل أنت متفاؤل وعندك أمل؟ وضح؟

أنت أكيد بتتكلم عن حد غيري ، تفاؤل لأ طبعاً ، ما فرحش إلا أما أخاف وعموما أحسن الفرح الكتير مش حلو للمصرييين بيضر بصحتهم

السؤال الثانى عشر: إذا شعرت بالحزن ماذا تفعل؟

في الغالب بدون وكنت زمان بكتب مذكراتي ، وساعات بتفرج على التليفزيون وساعات بحب اشوف فيلم كرتون

وبزعل من نفسي قوي إني مفتكرتش أصلي لله ركعتين ، الله المستعان

السؤال الثالث عشر: هل يستمر معك الحزن فترة ام ينقضى فى الحال؟

الحزن مابقالهوش هيبة يا جدع

الحزن بقي زي البرد زي الصداع

أعتقد أن صلاح جاهين جاوب على الحدوتة دي من زمان نيابة عني

لا ينقضب قبل يوم على الأقل ، يمشي كده على طول ؟دا انت غريب قوي

السؤال الرابع عشر: ما رأيك فى الأفراد المتشائمين؟

هنلخبط بقى ... مالهم زي الفل أهم وقاعدين بيدونوا لما ايديهم انقورت وتقريبا جالها ابو عواجه

شكرا للتاج لجميل وبارك الله فيك يا أ/محمد غاليه