لعل المانع خير ...
خير والله أنا كنت بس ماسكة لساني الفترة الللي فاتت ومقضياها شعر ونثر وكلام من دا ...لكني وبحمد الله اتابع كل من احبهم جيدا ...اقرأ فأعلق عندهم تاره وتارة أخرى اكتفي بالابتسام فلا شيء يقال إلا أوجزتم وقلتم فكفيتم ،،،،،،
تنويعات اليوم متفرقة عن حالة دولتنا الحبيبة التي لم أعد أكن لها أي حب أو احترام ....
زهير جرانة وزير السياحة : إزاي تسيب أحمد موسى وعمرو أديب يكلموك كده ، أحنا مش عندنا قوانين في مصر وقواعد تمنع المساس بالتابوهات المقدسة زي حضرتك؟
وبعدين فيها ايه لما تدي لسميح ساويرس أرض الأحمر بدولار ؟؟؟؟؟؟؟؟مش عشان محدش يقول في اضطهاد أقباط في مصر؟ وبعدين أنت بتساوي المسيحي بالمسلم يعني زي عز زي ساويرس ...
واضح أن أحمد موسى حاجة من اتنين إما ممثل محترف نديله التمثيل أوورلد بدل الميوزيك اوورلد
أو أنه حب يتنفش ريشه ونسي نفسه وهنا أقوله أرجع لأرشيف القاهرة اليوم وبص على عمرو ذات نفسه وهو بيتهزأ من زكريا عزمي يوم مال قال نلغي مجلس الشعب ...اللي ما شافش الحلقة يسأل اليو تيوب...
الحاكم الأول والأخير للبلاد والكاتم على نفس العباد ::: بوش طبعا يا اساتذة ...
مش مكسوف والناس عمالة تجيب في سيرتك كده ومقطعين فروتك على الشعر اللي صابغوه ؟؟؟؟
تفتكر الشعب الأمريكي حيخيل عليه ؟ دا شعبك يا بني يا عاجنك وخابزك ...
الفرست ليدي : محاكم الأسرة أصبحت مسخرة وبلطجة على الآخر ...عمرك فكرتي الست اللي طالبة الطلاق رجعت لجوزها وسحب القضية ليه؟....أوعاكي تفكري أن السبب أن محكمين حضرتك نجحو في مهتمهم لأ يا ست الكل ، الست طهقت من تأجيل القضية سبعين مرة في السنة ، مرة لموسم الأجازات يجي قاضي الانتداب يطسها شهرين تأجيل
الجلسة الجاية ...موسم الانتخابات الرئاسية أو مجلس الشعب وسوية انتخابات المجالس القضائية ....
واضح أنك قصدتي تعرفي الولية المفترية قيمة جوزها ...
برضه محاكم الأسرة كلاكيت تاني مرة :قضايا النفقة في محاكم الأسرة أصبحت أكثر بطأ من ذي قبل و اللي مش مصدق
أرشيف القضايا مفتوح للسادة القضاة ووكلاء النيابات...ولمن تسول له نفسه بسرقة الملفات..
قضية من 93 لم يكم فيها إلى في 98 طيب ممكن حد يفهمني الست صاحبة القضية دي حتعمل ايه ؟ دا لو قلنا ان اللي بيترافع عنها محامي من غير فلوس من حموم الإنسان ...طيب هي رافعة على المحروس قضية نفقة تقولي يمكن يتصالحوا في محكمة الأسرة ؟؟؟؟؟؟؟؟؟؟
ألا هم كانوا منتظرين ؟ ما محكمة البيت أولى .......وبعد الحكم تأخذ القضية حوالي شهر في قلم النسخ (أيه الأخبار يا سيادة الوزير النظيف إلكترونية برضه؟) وبعد الشهر يسحب الحكم وطبعا لابد من 100 بالبلدي مياية عشان قلم النسخ يلاقي الحكم ويكون اتنسخ...وبعد أنتوا وراكوا حاجة ....وقبل أن تأخذ الحكم يعلنوا المدعوا عليه مرة عشان يجي يدفع ...ميجيش... تتأجل ...يمكن ظروفه مش سامحه ؟؟؟؟علامات التعجب في الكي بوورد مش حتكفي ...
طب ما الدولة تسلفها ؟؟؟ لما هي خايفة كده على جيب الرجل المطحون ...وبعدين ميجيش تاني تتأجل شهر ؟؟؟؟شهر شهر يا مؤمنين ؟؟؟ طيب حد يفهمني الست دي ممكن تاكل وتشرب منين ؟ طب الفقير عارف انه فقير أما الست دي بتضطر تمد ايدها عشان تربي ولادها...والله حرام عليكي يا فرست ليدي ...
وفي الآخر وبعد 5 شهور يجي يدفع 500أو ألف جنيه من المتراكم يوم ايه القاضي يقسطهملوا ؟؟؟؟؟؟؟؟؟؟؟؟؟؟؟؟؟؟؟؟؟
لأ بقى معلش مش قادرة أمسك بقى .....آآآآآآآآآآآآآآآآآآآآآآآآآآآآآآآآآآآآتشووووووووووووووووووووووووووووووو
هناك 11 تعليقًا:
يرحمكم الله يا حجه هههههههههههههههههههه
هو انتى له شوفتى حاجه
ما هو ده التقدم اللى الاخ عوكل واقف بمناخيره الطويله يقول عليه فى مؤتمر الحزن اللى فى التلافزيون
والفكر الجديد بيتطور بينا يا بنتى افرحى افرحى
وبعدين من زمان انا قولتها القانون فيه خرم فى المله ههههههههههه تعرفى تصلحيها
عااااااااااااااااااا
آبي أنا مش ناقصة إحباط لأ مش اعرف أصلحها
وبعدين أنا أصلح غلطتي أنا مش غلطة الفرست ليدي
عاجبك اهو ضغطي وطي تاني
ههههههههههههه
انا اقول تقتل زوجها
في احتمالين ساعتها
ممكن انها ما تنكشف
وبالتالي تورثه
وتعيش معززه مكرمه من الورث
وممكن تنكشف طبعا
وتنسجن
وفهالحاله بعد
بتعيش معززه ومكرمه ..ولقمتها مضمونه
في السجن :)
دا التطور الطبيعي لأي حاجه
وبعدين إحنا زعلانين منهم ليهم
بلدهم وهما أحرار فيها
هما أدرى بمصلحتنا منا
اللهم أدم لنا الزعيم
بابانا مبارك وأبو كل المصريين
وكمان مامتنا سوزان وأم كل المصريين
وكمان أخونا جمال وأخو كل المصريين
!!!!!!!!!!!!!!!!!
ههههههههههه لا خلاص اشربى كركديه
واهو فارس قالك اهو وريحك خالص دول ابونا وامنا واخونا بس انا من هنا بقول للتلاته طلعتوا تربنتين اهلينا
دولتنا الحبيبة التي لم أعد أكن لها أي حب أو احترام ....
اختلف معكى
رغم الفساد وعلى رأى فاروق جويده هذه بلاد ليست كبلادى
بس برده دى بلدى
وربنا يعنا ونقدر نعمل حاجة
تحياتى
أقصوصة،
أقصوصة،
الحلين أحلى من بعض بس فعلا هي في كلا الحالتين مسجونة في سجن ما يعلم بيه إلا ربنا
تحياتي
مشكور مرورك
عبد الرحمن فارس،
طبعا فرحانة لمرورك على المدونة وفرحانة أكبر لاستمرارك في التدوين
وفرحانة لأن المدونة لا زالت اسمها لساني هو القلم
وبخصوص بابا باباكم وماماتنا مامتكم والكلام الجامد دا
فالواحد لا يملك إلا أن يحاول أن (يعمل بيعيط من التأثر)
ناقصه هي الحكاية يا فارس
يسلم قلمك ودمت بود
بنت يا آبي،،،،
جبتي من وين ها الكلام واضح أن الواد عكرووووووووت اخويا نشر دعوته
طلعوا ترابنتين أهالينا ؟؟؟؟؟
بس
وأهالي اللي جنبينا واللي حدانا والي على الحدود معانا والناس اللي في الاسكيمو
الرحمة دي التلاجة بتفصل
فارس دا مالهوش حل مش راجع الا اما يعملوها ماه تاني
شكله وحشه العيش والحلاوة
محمد غاليه،
فاروق جويدة قال
هذه بلاد لم لم تعد بلادي
ولذا انا كنت بدور ع القصيدة انشرها
ححاول الاقي لها لينك واحطها من اليو تيوب
شكرا لمتابعتك الدائمة
دمت بحفظ الرحمن
إرسال تعليق