لأني لا اقصد أعتذر منكم جميعاً

واضح أني تدوينتي السابقة تعليقي عند خالو أحمد الصباغ زعلته واتفهمت غلط مش منه بس لأ واضح أني لم أحسن الكلام

وخير ما أفعل أن اعتذر منكم جميعا وقريبا سوف احذف هذا البوست ولا تزعل يا خالو هو احنا عندنا كام خالو؟

واللي شايف انه لسه مش فاهم او لسه ليه حق عندي رقمي على الفيس بوك يكلمني وانا على استعداد اسمع لي كلمتين حقكم ....

بس والله أنا بس كان قصدي خير يا خالو حسيت انك مش بنفس نشاط زمان ...يمكن عندي حق ويمكن لأ... بس المهم لما يكون لك حد بتحترمه .. وتحس انك عاوز تقوله حاجة لازم تقولها على طول دا عشم مش زعل ولا غلط في حد...

خالو من ضمن مدونيين كتير أنا بعتز بيهم وبكتاباتهم بصرف النظر عن توجههم ...

وأبلغ دليل على صدق نواياي السيئة ...اني نشرت تعليق خالو أحمد ...ونشرت تعليق مهندس مصري ...

شوفتو انا ديمقراطية ازاي ...

حجيبك منك ليه

ومحدش يزعل مني ماشي وبعدين تجمع اسكندرية كان اجمل تجمع شوفته ف حياتي ...واللي قصدته بلاش حد فينا يبتعد وينسى المجتمع التدويني ..عشم برضه...ومحدش ذكر حد بسوء أبدا من المدونيين ....

دا كان رأيي ووجه نظر خطأ قد تحتمل الصواب ووجهات انظاركم صواب تحتمل الخطأ ...

لو محدش فهم حاجة حطر اقفل المدونة انا كده ششكلي هيسست خاااااالص ...

الاخت العزيزة كل سنة وحضرتك طيبة الحقيقة انا لفت نظرى تعليق لكى عندى ولم افهم ماذا تقصدين من وراءة لانه مبهم بالنسبة لى بعض الشئ وحاولت تتبع تدويناتك السابقة لان بعضها ممكن يفوت منى دون قراءتة وبالفعل وجدت تدوينة سابقة تفضلى بذكر اسمى فيهاولسوء الحظ لم افهم ايضا المغزى من التدوين

او بمعنى ادق فهمت التعليق والتدوينة على انهم هجوم عليا

وان مدونى اسكندرية قد ذكرونى بشئ ما وانى اهوى الشهرة والاجتماعات

وانى متواجد فقط فى الصحافة ولا اذهب لمدونات الاصدقاء واننى اسعى ان اكون من الصفوة !!!!!!

للاسف ما فهمتة لان كلامك لا يعنى شيئا اخروالحقيقة حضرتك لستى اول ولن تكونى اخر الاصدقاء الذين يهاجموننى فجاءة وبدون وجه حق والله يعلم انى برئ من هذة التهم

وان التجمعات يكون بها فائدة لنا واعتقد ان حضرتك حضرتى لقاء اسكندرية بتاع جمعية مصر وقولتى انه كان لقاء مفيد

فلا أفهم لما هذا الكلام الجارح ؟؟

المرور على المدونات ووضع تعليق فى كل مدونة ليس واجب وطنى على كل مدون ولكنه يتوقف على الحالة المزاجية ووقت الفراغ

وربما امر على مدونات اصدقائى دون تعليق

وربما لا امر ولا ربما امر واكتب تعليق الحقيقة

لا افهم مطلقا معنى انى متواجد فى الصحافة ؟؟؟

وانى احصر نفسى فى دائرة الصفوة

كلامك مبهم ويستطيع اى شخص ان يزايد عليه

ويضيف لكلامك المزيد

دوالله يعلم انى لا اسعى لشهرة ولا يحزنون اسف للاطالة سلام

العزيز خالو أحمد ،،،،
واضح أنك فهمت الكلام بالعكس جدا ،،، الحقيقة أنو لا هجوم ولا يحزنون
أنا فقط افتقد تعلقات أحمد الصباغ في مدونات هامة
حسيت انك مقصر او مختفي حبتين مش عارفة قولت اقولك كلمتين يفكروك بالمدونة
حاسة انك في حاجة مش مظبوطة يمكن مشغول يمكن نفسينا مشغول جدا مش عارفة
بس موضوع التدوينة السابقة انا يا سيدي بستثنيك يعني بطلعك بره الدايرة اللي بتكلم عليها
تاني حاجة مش صح انك تفهمني غلط مش عهدي بيك يا خالو
وبعدين حلوة قوي مش واجب وطني التعليق في كل المدونات
لأ واجب الصداقة يا خالو ومش عندي

احسن تفهم برضه غلط اني عاوزاك تدخل تعلق عندي
لأ ...أنا اتمنى خالو نشيط اكثر من الأول فهمتني صح ولا لسه ؟
عموما كل عام وانت بخير والننوسة ال2B بخير يا رب

مهندس مصري

التدوين ده شئ شخصي و كل واحد المفروض يكتب اللي بيحس بيه و بس

و لو فيه صالون فهو للتنسيق بين المدونين بس

لكن اللي يتكلم بإسمهم زي إتحاد المدونين ده مرفوض تماماً لإنه لا يعبر عن كل المدونين

ومحدش بيعيش على حد الا لو الحد التاني ده سمح لحد يعيش عليه

و المدونين القدام المشهورين برضه بني آدميين لهم قدرة و طاقة و مستحيل يقدروا يتابعوا أكتر من عدد محدود من المدونات

مهما كبر لإن لهم طاقة و حد أقصى و لازم يشتغلوا و يشوفوا بيوتهم و حياتهم فمش ممكن يعلقوا عند الناس كلها

و عموماً سنة ربنا في البشر هي الإختلاف

و مستحيل تلاقي المدونين كلهم يتفقوا على رأي واحد في كل حاجة

لكن ممكن يكون في رأيين او 3 دي سنة الحياة

يعني في علمانيين و في اسلاميين و مسيحيين

في مدونات كوميدية و في مدونات غم

في شعر و في نثر و في أخبار و في سياسة

ده فيه مدونات للشواذ و الملحدين

مستحيل تتخيلي إن التدوين حيبقى مجتمع متجانس

بس ممكن تقولي إن الطيور على اشكالها تقع

و الناس اللي زي بعض بتعمل شلل مع بعض

في على بلوج سبوت بس حوالي 34200 مدون

من مصرحيعرفوا بعض إزاي دول؟:)

كل سنة و انتي طيبة

و عيدسعيد

لأ دا مش خالو أحمد بس اللي فهمني غلط ،،،
طب ألحق اشيل التدوينة قبل ما الحزب الوطني يفهمني غلط هو كمان
يا سيدي أنا كنت حاسة بس بالتشاؤم قلت افضفض شوية
يبقى دا جزائي أنا بس حسيت ان احنا بقينا بعاد عن بعض يمكن دا السبب
عموما اعتذر منكم جميعا ً ما قصدت الاهانة لأحد ولا الاشارة لأحد ولقد استثنيت صالون أحمد الصباغ لأنه عزيزعليا