....................تاج أحلام اليقظة ...................

جاءنا التاج التالي ، وبناء على امر من جنى اللي ما نقدرش نرفض لها طلب ، وبما أنه أول تاجح يتمرر لي في حياتي ، إذا لا بد من الأجابة عليه... أي خدمة يا جوجو ...
1- أذكر خمس أحلام على الاقل ..تخص ماضيك وتحلم فيها بتغيير اشياء ..ماذا ستعدل وماذا ستترك؟؟

اتصوري مش عارفة ...الواحد من كتر ما ماكينة الأحلام عنده فضلت تنتج نضبت ونسيت كل حاجة...

- حلمي إني أختار لغة تانية ألماني في ثانوي .. كان نفسي جدا اختار اللغة دي ..التغيير إني كنت حختارها بس كده

- حلمي التاني أني كنت أدخل آداب phonetics التغييرأن ما أيأسش .. أنا حسبت مجموعي غلط وقتها ولما اكتشفت قلت مش مهم خلاص .. دلوقتي بندم على نفسي القصير دا.

- بتفكريني بلعبة What if
2- أذكر خمس أحلام على الاقل ..تخص مستقبلك .

بحلم بزوج صالح راجل بحق ... يحبني ...اغرق في بحره ...أنادي بإسمه كل الأسماء ...أعطيه اسم الحب الذي ترعرع بي ...

اغسل فيه ذنوبي... افرغ فيه عشقي...أموت إذا ما غاب عني ... رؤيته تحييني

بحلم بأولاد ولد أسمه سلمان على أسم سيدنا سلمان الفارسي.... أربيه على الدين... يكون مثال للولد الصالح ... يكون خليفه ...

بحلم ببنت اسمها جومانة ...اعوضها اللي ما قدرتش أعمله لنفسي.... أعلم ولادي الدين واتربى معاهم عليه .... نحب بعض في الله

يحبوني وأبوهم أكتر من الدنيا وما فيها ... يحبوا أبوهم قوي ويحبهم أبوهم .....

بحلم أن مسار حياتي يتغير للأحسن
3- أذكر شخصين على الأقل .متواجدين فى حياتك حاليا ..كنت تود وجودهم قبل الآن بزمن

- أشخاص كتير بس منهم المحفظة وأمي اللي بتمنى من الله أن تكون جنبي على طول
4- أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا ..

-أبي ... وواحد مقدرش أقول أسمه ... وطبعاً سهي حبيبتي ...وكل أصحابي اللي فرقتنا الظروف ... كان نفسي يبقى في حياتي وولادي سيدنا عمر بن الخطاب أو عمر بن عبد العزيز ... كنت مشيت في الشارع وبأعلى صوتي قلت أنا مسلمة ومحدش قدي

"هؤلاء الاشخاص من خاصة أهلك او اصدقائك واقعيا او افتراضيا او ..رموز فى حياتنا بشكل عام "
تحديث هام:

نظراً للتعليقات الجميلة من جانا وربان السفينة اللي رايحة عند الحبيب ... كان لا بد من التنوية أني اقل من 1/10000000000000

من اللقالوه ... أنا بني آدماية ليا عيوب ومميزات البني آدمين التانيين من أيام سيدنا آدم لحين يرث الله الأرض ومن عليها

ومش رومانسية قوي بس ليا أحلام تبان رومانسية ... يمكن لأن ليها ارهاصات منحوتة من الحنين والذكريات

جزاكم الله خيراً