قرأت مثل حكيم جدا عند الربان...
المثل بيقول لا تطعن في ذوق زوجتك فقد اختارتك أولاً...
ها الرجاله فهموا ولا لأ ...
لما مراتك ذوقها وحش ...يبقة بص لنفسك في المرايه الأول ....
**************************************
هو انا بس نفسي أفهم أيه اللي بيحصل...
الواحد مننا أول ما يبدأ يدون يتكلم عن نفسه وأحلامه ويمكن يكون صاحب توجه أيدلوجية معينة ... بعد كام شهر لما يبقى مشهور تدوينياً ياخد خط الجرايد ... والتليفزيون ... ويبقى همه كله تغطية الجانب السياسي واللهاث واء التحركات الحزبية والسياسية في مصر ...
يا عالم يا هو حتتجرجر رجلكوا للخية وتقعدوا بعدها علي مكاتب خمس نجوم ...
حاسبواااااااااااااااااااااااااا....
********************************
لما اتكلمت في بوست عدى عن توجه مصر المتخبط نحو العلمانية ... وارسلت لكثير من الدونين ... بعناون البوست ... لم يرد لي أي تعليق...
اعتقد أن الفقرة دي ليها علاقة باللي قبلها ....
********************************
أنا مبحبش اتكام في مدونتي دي عن السياسة إلا اللي يخص المرأة منها
لكن ممكن أفهم هو ليه بوش يجيب مراته معاه مصر وتدخل بغير طرحة أو حتى إيشارب بلد مسلم،،،، وليه يدخل ساكوزي مع صديقته حط تحتها مليون خط مصر ويتفسح في الأهرامات ... وليه كمان بالمرة ...ثارت الثورات وقامت الدنيا ولم تقعد لما مرات الرئيس التركي كادت أن تظهر بالحجاب ؟؟؟؟؟؟؟؟؟؟؟؟؟؟؟؟؟
***************************
تزايد موجة العري في ملابس السيدات العربية هذا الموسم تفضحة خطوط الأزياء العربية والمحال في نواحي الوطن العربي....
وفي الاهرام ...صفحة الموضة لغير المحجبات فقط....
وفي الأهرام برضه ... خبر من كام اسبوع أن شاكيرا وجي لو ..جنفر لوبيز ..وبريتني قرروا الأعتماد على أصواتهم فقط في الحفلات وبدون مؤثرات حسية .... الحدق يفهم...
**************************
قناة نغم بتبث 24 ساعة في اليوم يوميات ستار اكاديمي 5
مش عارفة كل ما تيجي القناة دي افتكر كلمة هنيدي في جاءنا البيان التالي
من امام إحدى بيوت الدعارة
ربنا يعافينا ويعافي ولادنا ويهدي اللي في البرنامج والقائمين عليه -اللهم آمين-
هناك 4 تعليقات:
بالنسبة يعني للكلام في السياسي يعني هي مواجع وكل جرح وليه قصة..!!
بالنسبة لاختيار الزوجة..تتحكم في الموضوع عوامل كتيره تربيتنا نشئتنا ثقافتنا ودينا اللي بنأديه طقوس بلا بحث يعني مش بنفعله معايشة مع انه بسيط ومش محتاج محاضرات جامعية..!!
بالنسبة للعلمانية مش في حاجة وصلت سيادتك..!
بالنسبة للحجاب فمن حق المستعمر فرض ثقافته على المستعمر - بفتح الميم- والمستعمر هو الغرب عموماً بشكل او بآخر والمستعمر - التانية - هو احنا..!
بالنسبة للعري والله كل مخرب ربنا مش هيسيبه..اللي اتعرت دي..امه اخته بنته ومراته..!!
بالنسبة لنغم..يعني زيادة الطين بلة مش هتفرق..نضيفها للحجاب والعري والعلمانية ولبوش ومراته..!!
بالنسبة للتدوينة..دي خمسين واحدة في بعض..مش ممكن نخليهم فكة المرة الجاية..؟!
(:
تحياتي
أشكرك علي تنويهك علي المثل...و فعلا
لازم نفكر قبل ما نلخبط الدنيا...يعني
السيدة التي اختارت رجل ما زوجا لها...
اذا طعن زوجها في ذوقها فهو يدين نفسه
بالسوء...
بالنسبة للاحداث السياسية...الشباب مطحون و بيعبر عن مشاعر غضب مكبوته
بيتنا القديم ،
ممعييش فكه ...
مرور طيب مشكور عليه
بس يعني دمي اتحرق من كتر ما بشوف
ربان السفينة اللي رايحة للحبيب
انا معاك ان السياسة كاتمة على نفس الناس ...بس فين المشاكل الاجتماعية؟
يعني فين التدوينات الأدبية ؟
محدش ترجملنا كتاب أجنبي أو قصة أو جزء من مجلات أو جرائد عالمية ؟
التدوين مش بس أني اكتب في السياسة
فين الدين فين العلاقات الانسانية؟
لازم نتكلم عننا مش عن اللي ع الساحة بس
مشكور على المرور الطيب
إرسال تعليق