عاوزة دكتوووووووووووووووووووووور

انا عارفة أني زودتها قوي ويمكن خالص....

وعارفة أني طلباتي كترت وبايخة

بس ما توصلش لحد دكتور يعني....

أنا حقولكم الحكاية من طقطق لسلامو عليكم..

الحكاية وما فيها أن العيلة كلها روحها طلعت مني مش طايقيين خنقتي ونرفزتي

ع الفاضية والمليانة

وروحي اللي بقت في مناخيري

قلت ما بدهاش أقطع علاقتي بيهم

ايه بتبصولي كده ليه؟

عادي يعني

أفصل القوات

ابطل أكلم خواتي وأهي ماما في العمرة

وأبويا زمانه قابل وجه كريم

يبقى ايه المشكله ؟

المشكلة أني لقيتهم بيجروني

للكلام معاهم تاني

مش بقولكم عاوزة دكتور

اختكو فوتت يا جدعان

ألحقني يا بطوط

وانا دكتور أسنان ؟

طب الله يسترك شوفلي واحد من قرايبينكم يكون نفساني

الا انا فوت خااالص

يعن اخويا يشغل شوية أذكار يعلى الصوت

ألاقي أنا صوتي بقى أعلى من كل حاجة

وادخل في خناقة سقع من بتوع أنا زهقت من البيت دا

وبعدين تقلب معايا تاني وابقى عاوزة أموت

وشوية وأبقى مش عارفة أنا عملت كده أزاي

وأبقى حابة أني أقعد لوحدي

وافكر أزاي ممكن يكون مستقبلي لو ما لحقتش نفسي واتعالجت

واللي زاد الطين بلة

الألم اللي ابتدى يظهر في دماغي من الناحية السفلى يساراً

خايفة ومش قادرة أتكلم

ربنا يستر

بس بجد حد يدورلي على دكتور نفساني قبل ما افوت

بس خلص الكلام