الحكم ببراءة السفاح ممدوح اسماعيل وأعوانه المتسببين في غرق ما يربو عن الأف شخص في مياه البحر الأحمر

السفينة كانت ماشية كده...

قربت على ميناء الضباء السعودي...

على بعد ساعة ونصف...

الدخان ارتفع في أسفل السفينة...

الكل يصعد طالبا للهواء النقي...

القبطان أول من يعلم بما يحدث في السفينة....

الدخان لا يزل يتصاعد...

الكل هرب إلى السطح

إزداد اشتعال النار في الاسفل ...

الكل يهرب من تطاير النوافذ ...

دماء تسيل...

صراخ العجائز...

عويل النساء..صراح الأطفال...

خمس ساعات ..

خمس ساعات هي عمر ملحة العبارة السلام98

القبطان أبلغ ولم يرد أحداً عليه...

ما عبأ لألف وثمانون مصرى ...

رأيت الأم التي تمسك أطفالها الأربعة ولا تعرف ماذا تفعل.. والطاقم لا يساعد احدا ومهتمون بأنفسهم واصدقائهم ؟؟؟ رأيت الأم التي تمسك أطفالها الأربعة ولا تعرف ماذا تفعل.. والطاقم لا يساعد احدا ومهتمون بأنفسهم واصدقائهم ؟؟؟

العبارة السابقة نقلتها من إحدى المنتديات

اللي جاي دا للحكومة النظيفة

عارفة كويس قوي اننا بننفخ في عبارة مخرومة ...وغرقنة ومن 2006 ...

معالي رئيس الوزرا..نظيف...صفة أم لقبا؟...إن كانت صفة فالمرجو منها تنظيف البلد للشعب ...مش البلد من الشعب.

وإن كان لقب...مش كان أولى تعمل بيه؟؟ على بعد شارعين تلاتة عشرة من سيادتك ..أم مات ابنها ..مات في العبارة السلام 98...ايوه بتاعت ممدوح اسماعيل ...اللي غرقت له يا حبة عيني ..عبارة برضك يجي من كام سنة ...سالم اكسبريس.. فاكر يا معالي الوزير؟؟؟؟

فاكر لما الشعب المرجانية طلعت غلطانة؟؟؟فاكر لما هي اللي قسمت السفينة؟؟؟ فاكر لما الشعب المرجانية لفت على السفينة وضحكت عليها وشقتها نصين؟؟؟؟

فاكر يا سعادة الوزير؟؟؟ في انتخابات المجلس اللي فاتت... ايوه لما ممدوح اسماعيل كان لسه عضو في البرلمان ...

على الرغم من انه متورط لشوشته...في غرق 180ألف بني آدم...فاكر سيادتك لما الحصانة اترفعت عن ممدوح اسماعيل بعد ما هرب بره مصر...فاكر لما اترفعت قضية وكلمنا ممدوح اسماعيل عشان يروح بلد ما فيش بنا معاهدة تسليم مجرمين ؟؟؟

فاكر لما السمك أكل الناس في البحر؟ فاكر لما استطعم القرش قوي لحم المصريين ؟؟فاكرين يا ظلمة فاكرين ..فاكرين الأم اللي ابنها اكله السمك قدام عنيها؟؟

لو واحد من ولادكوا طلعتة واوا في ... ودانة..مثلا..بيجري على باريس ولندن

وولادنا يا كلهم السمك في البحر يا خي..احمم

فاكر يا باشا فاكر القضية بقالها قد ايه؟؟؟فاكر نيمتوها قد ايه؟؟؟فاكر حق الناس التي لم تحظى بدفنة لائقة في عرض البحر؟

فاكر اللي اتحرقوا وغرقوا واكلهم السمك..وهم لسه فيهم الروح.؟؟؟

فاكر ..ولا نسيت؟نسيت الناس اللي قعدت في البحر ليلتين في الميه المالحة؟؟في الوقت اللي كان حضرتك بتاخد شاور فاتر لزوم الريفرش...

فاكر الناس اللي قعدت ليلتين تصارع الموج...في الوقت اللي الحكومة كلها كانت قاعدة مجتمعة وبتشرب ميه معدنية وكوكا وبيبس.. وقهوة سخنة تجري الدم في العروق..في الوقت اللي ناس مرمية فيه في عرض البحر مش عارفة وجهتها فين...فطارها المية المالحة وغدائها دمها السايل من عضة القرش ...

في القوت اللي ولادكوا اتوجعوا م ن قرصة ناموسة في الاقصر ولا اسوان ...الناس اللي في عرض البحر كانوا بيتألموا من حرقان رجليهم اللي قطمها القرش وجرى...لا هم طايلين الموت ولا هم عايشين..

في الوقت اللي العشا كان مستني الحكومة الموقرة في المؤتمر الصحفي اللي حيتعمل عشان نكوس على ممدوح اسماعيل

الناس اللي في البحر كانوا بيتعشوا بردهم وخوفهم وبعضهم اتعشا بي البراكودا والقرش...

في الوقت اللي انت بتاخد فيه مرتبك وحكومتك مهيصة ...في ام لا حول لها ولا قوة مات عائلها الوحيد بتحويشة العمر في البحر ...ولحد دلوقتي دايخة على التعويض..العوض عند الله...

في الوقت اللي مااااماااااااااااااكانت بتااااااااااااااابع مبااااااااااااريات المنتخب القومي......

في القوت اللي ماااااااااااااااااماااااااااا كانت بتبوس فيه باااااااااااااااااااباااااااااااااااااااااااااااااااا

كانت في أم بتبوس ايد ابنها وهي بتتسلت من بين ايديها....لأنها مش قادرة تشيله خارقت قواها...

في الوقت اللي كانت البلد بتحتفل بالفوز...كان في ناس في عرض البحر نفسها في ترسى على بر ..نفسها تموت وترتاح من طول الانتظار...ولا أحد يأتي ...عارف طعم الانتظار يا بيه؟؟

بكره تجربوا واحد واحد بس على باب المولى -عز وجل- انتظار طويييييييييييييييييييييييل ليسمنه فكاك...لا موت ولا حياة...يمر أمامك رجال ونساء وأطفال يتساقط منهم الماء يمروون بسرعة البرق...يدخلون جنات نعيم....وانت ما تملكون شربة مااااء حر شديد... وانت لا تملكون الراحة لا جلوس هنالك... فكم جلستم ووقف غيركم ...

والآن تحكمون على صاحب العبارة بالبراءة مين اللي غلطان المرة دي ؟؟؟ الشعب المرجانية والا الركاب اللي كان عندهم تخمة...؟؟؟؟

صدق اللي قال عاوز تموت موضوع شكله له لجنة...وانقض في الحكم ولففه على المحاكم على اساس ان محكمة اسكندرية غير محكمة طنطا ودائرة شبين غير دايرة الحقانية....

حرااااااااااااااااااااااااااااااااااام

حراااااااااااااااااااااااااااااااا اااااااااااااااااااااااااااااااااااااااااااا اااااااااااااااااااااااااااااااااااااااااااااام

لا زال هناك1000شخص لم يحظوا بدفنة لائقة يارب يطلعلكوا عفاريتهم

يا بلد قرفتيني

الخارج نك مولود والداخل ليكي مفقود

في

البحر

في

العبارة

في

النيل

في

حريق قطر

في...

ا

.....

..........

...............

سجن من الألم اسمه الوطن