حتى ولو ॥ ليس مهماً المهم هو إجابة تساؤلي ...
" هو ايه اللي حصل "؟ وللتحديد حتى لا أتهم بالسرمدية ويحمل البعض سؤالي اكثر مما يتحتمل
هو إيه اللي حصل للأخلاق ؟
من كام يوم بتفرج على فيلم "مسجوزن ترانزيت" لقيت نفسي بسأل السؤال دا ومعاه كما شوية أسأله من عينه ايه اللي حصل للرجالة وهيه عادي كده ؟
لا اعرف قصة الفيلم ولا نهايتة ولكن أعرف أن أحمد عز متزوج فيه من إيمان العاصي ويبدو إن الحاج عاصي نايم على ودانه أو راجل لارج واكس २ لارج كمان
الفيلم به عده مشاهد وكلام ...
مشهد منهم
نهار داخلي
ايمان وأحمد في المطبخ بتسأله عن رفعت
سألها عن ابنهم علي
هو على في المدرسة
ترد ببراءة : آه
وعاليا (الخادمة) في الجنينة
واضعاً يده على كتفها
ثم يقول لها
عاليه فيال جنينة وعلى في المدرسة
طب تعالي بقى احكيلك الموضوع على رواقه فوق
******************************
مشهد 2
تم حذفه من باب الأدب
***************************
عادي ... هي الناس دي معندهاش احساس ...
مش دا المفترض راجل ॥ ودي أنثي ولا دا واحد صاحبه...
مش المفترض أن الحقيقة أن دا مش جوزها طب دا ايه نائب الفاعل ؟
ولا بروفه
ولا تصبيره لحد ما يتهببوا يتجوزوا ؟
ما حد يقوللي ايه اللي حصل
عادي أن دا يطلع يعمل كده
طب والشباب اللي شافوا الفيلم عملوا ايه؟
طب شيخ الأزهر الله يقلق منامه راح فين
هو دا مش يندرج تحت فعل فاضح في الطريق العام
احيه يا بو سوسو
طب سؤالي الأبيح هي معندهاش احساس ؟
دا الواحدة مننا لو وحد ريح في المكروباس من تعب الشغل يا عيني
وقال قيل شوية على كتفها تصفعة واحدة ترجعه ابن २१ سنة
طب دي ايه احساسها ؟
مفيش
طب الواد المسمسم سبانخ عز
موقفة ايه؟
مش برضه عنده مشاعيير وأحاسييس ومش موأدب وبيفكر في الحاجات دي (دي فطرة حضرتكم)
طب ايه ها ايه؟
طب ابو سوسو فين ؟ طب جوزها فين؟
طب مش دي اللي كانت عاملة محجبة في فيلم تاني ...
طب يعني مراتك حلال تتزوجها أمام الناس ؟؟؟؟؟
فن ؟ اللي حيقولي فن حضربه ميت صرمة
واضح إن مجداوية عندها حق...
الفراخ البيضا هي السبب
واضح جدا أزمة الرجولة في مصر
دي مش بس أزمة أخلاق
ومش بس إزمة مشيخة أزهر
دي أزمة أمة
وأزمتي أنا كمان
لأني بتفرج زي الهبلة ॥وزي ليه
واضح تماما أزمة الأخلاق اللي احنا فيها
واسمحولي أزمة الرجولة
تكمن في تلك الاعداد الهائلة التي تدخل عيادات الاستشارات الزوجية
وكميات الاعلانات ال-سافلة- الأبيحة- المعلن عنها
وكميات الأدوية الزرقاء المهربة
واعلانات استرجل
واستهبل واستخيخ مع الاعتذار لخيخة
وكل الأفلام الجديدة المتزامنة مع جدار العزلة
والفيلم السابق دا أقلهم
وأزمة أخلاق متمثلة في السماح لقنوات مثل كل (ستار) بكل أنواعها بالبث عبر أقمارنا ...
وأنا أمارس هوايتي في التقليب السريع في القنوات
شاهدت مشهد جعلني ارقع بالصوت الحياني
يعني المفترض أن كل من يملك رسيفر أو وصلة يشاهدنا الان
وعيالنا ؟؟؟؟؟؟
وعيالنا يا شيخ الأزهر ؟ اللي بهدلتهم ع النقاب
حملتك الشرسة التي أتت بثمارها لصالح فرنسا
حملتك هذه لا تشمل القنوات تلك
يا شيخ الأزهر إنهم يعرضون بضائعهم على الأرصفة بلا ساتر
يا شيخ الأزهر إن كنت تعرف فأنت شيطان أخرس
وإن كنت لا تعرف فهذه مصيبة أكبر
أزمة جعلت الرجال يفقدوا رجولتهم والنساء تفقد أنوثتها
تقليد أعمي
مصيبة سودة
تجد الشاب يجلس - زمان - بجوار فتاة .... ينكمش على نفسه ويحمر حتى لو أن ديك رومي رأه للتهم أذنه
الآن تجد الشاب يقلد الأفلام القذرة ... فيتمحك ويتلصق ...حتى وإن بادرته البنت بنظرات نارية
ما هي حق مكتسب بقى
ما بين ناس لا علاقة لهم بالدعوة يجرمون كل من خرجت من بيتها
فيعتبرون ما يحدث لها هي المسئولة الأولى عنه
وما بين ولاد (تيييييييت) بيعملوا أفلام إباحية على أنها أفلام هادفة
ويصورن له ان هذا طبيعي وأن الشيوخ (الكخة) هم اللي معقدين الدنيا
وأن كلامهم ما أنزل الله به من سلطان
وأن الفن حلال ... والرقص ....حلال
وأن القبلة باسم الحب والزنا باسم الارتباط ....عين العقل
يخرج هذا المسخ الذي نطلق عليه خطأ ذكر
ومن هذا لأفلام الموسم الرائعة
أمثال كلمني شكراً
وبالألوان الطبيعية الذي صور كلية الفنون الجميلة دكتور بها يطلب من الطلاب خلع ملابسهم ليدرسوا التشريح صح
احيه يا بوسوسو
والمفترض أن دا في الاعلان
وكلمني شكرا
كل الإعلان عبارة عن إفيهات جنسية وحركات أباحية
ويقولك مثقف
صحيح لو نفسك تكون مثقف ونسأل بعد كده عن الأخلاق
المشكلة إني بفكر أحط ملصق كده ع جنب زي ب تاع أبو حصيرة
بس قلت لو أن كل حاجة عملتلها ملصق وشجبت ونددت حبقى زي جامعة الدول العربية وزي العرب كله
جعجعة ولا طحين
فقررت إني أحترم نفسي وأبطل أتفرج على الكلام الهايف دا
وأكتفي بأفلام الكارتون
وأضم صوتي لصوت ملايين غيري بقولوا لأ مصر مش كده
مصر ستظل بلد الأزهر حتى ولو كان على مشيخته ناس مش حياديين ومش منصفيين
مصر حتفضل بلد إسلامي مهما ذعنا القداس على الفضائية
مصر حتفضل بلد السلام الأمان حتى ولا لو كل يوم عملولنا بروباجندا لتمديد قانون الطواريء
وانا بضم صوتي لصوت كل واحد يقاطع ويناضل ضد هذه الأفلام الخبيثة
بلدنا مش كده
مصر ميوصل بيها الحال للدرجة دي
صحيح ممكن ميكونش دا هوالحل بس
لكن أنا مع اي حل يوقف المهزلة دي
حتى لو وصلت لبلاغ للنائب العام
يا عالم يا هو
مصر بلد إسلامي
ليست هناك تعليقات:
إرسال تعليق