ثقافة تواكب تقدمات العصرحتى لما يفتح القنوات العربية يلاقي الناس كلها عماله تتلوى ويقعد يسرح في الرقاصة الفولانية ولا الفيديو كليب العلاني محدش من أبوه وأمه يقفشوه ويتهمونه بقلة الأدب ...
يا نااااااااااااااس بذاااااااااااااااااااااكر
بحفظ الخطوات والهزات ...حتى استحضرها في ذاكرتي حين الامتحان ...
طب مش دا في حد ذاته ..نوع من التقارب وسد الفجوات بين الأجيال؟!!!
ويمكن كمان الأب نجده جالساً وعيناه حمراوتين ..يساعد ابنه الحبيب في المذاكره أمام وصل رقص شرقي محترم جدا
من الأخت دينا ولا المصونة هيفا ابوهشيمة ...هيفا الصباغ سابقاً ....إذا لا داعي للافتراءات على هذا العصر التعليمي الميسر ....هو صحيح عصر جملي حبتين ...بس ولو ....احنا شعب يقرقش الظلط ......
دا بالاضافة إلى وصلة النعنشة التي اصابت الطلبة جراء هذا الامتحان ...
إذا الدكتورمقصده كان رفع الروح المعنوية كمان للشباب ...فبلاش ظلم يا خالو وبلاش ظلم يا أدهم يا مهدي
هذا امتحان متعدد الأوجه .. والزوايا والانحناءات ...
وبعدين ايه ضيق الافق دا...رقص ايه وهز ايه المهم الروح...قصدي البروجرام المنتج ...
كفاية نوم بقى عاوزين شباب مصحصح ..مفوق ...
مش مهزوز....
وعشان الشباب يتفادى أن يكون مهزوز...لأزم يعرف اسباب واشكال الهز بيكون ايه وازاي....
وهذا دور المبرميجين الشبان دول....
وفيه كمان دور مهم لشباب المبرمجين دول لخدمة الجيولوجيين وعلماء الفلك في موضوع الهزات الأرضية مثلاً
فبرجاء من الاخوة الدكاترة ...
زيادة هذه النوعيات المهزوزة من الامتحانات ...اللي واضح ان اللي حطها _لو صدق القول فعلاً_ ايديه كان مهزوزة وهو بيحط الامتحان ..او أن الامتحان جاءت فكرته بعد سهرة أمام فيديو كليب تعليمي
وأنا من هذا المنزنق ...أطالب بتغيير اسم قناة روتانا كليب ..إلى روتانا تعليم ....
وضمها وقناة مولتي وإم تي في..إلى شبكات النيل للقنوات المتخصصة ..قطاع البرامج التعليمية....
و....
نفسي اشوف ورق الاجابة شكله ايه؟
هناك 5 تعليقات:
ههههههههه
لا ورق الاجابة هيبقى هز يا وز
والمصحح مش هيعرف يتلم على ورقة الاجابة
بس بالنسبة للسؤال الخاص بكلية الهندسة
المفهوم بتاعه خاطىء جدا مش مقصود منه اللى احنا فهمناه اطلاقا
تحياتى وتقديرى
هههههههههههههههههههههههه
الله يحظك
ما خلاص فهمنا ان الراجل كان قصده علم
انا بفكر احسن مجموع واخش هندزة
همس الاحباب
منور المدونة الغلبانة والله
على رأيك المصحح مش حيعرف يتلم على ورق الاجابة
واحتمال كمان يصحح الاجابات على واحدة ونص
وبقلم احمر وبترتر
استرها معانا يا رب
يا هندزة يا خالو ...
وتحسن مجموع ليه على رأي سعيد صالح الموضوع مش عاوز شهادات ....
عاوز حاجات تانية
انت بس نيتك وحشه حبتين يا خالو
فحبيت اصحصحك
بلاش تبقى من الشباب المهزوز
تحياتي
جاي يوم الخميس؟
في نادي الاطباء لقاء صالون احمد الديب
هههههههههههههههه
طبعا الورق هيتكبس بالكلام
إرسال تعليق