أولاً دعوني أكتب باللون الأحمر ...فكل الأشياء استحالت بلون الدم ...
أعلم أن أخواني وبناتي وشبابي في غزة لن قرءوا هذه التفاهات
إما لأنهم يحملون السلاح .. يحملون هم الدفاع عنا ...
وإما أنهم يرقدون متفحمين او ممزقين تحت بيوت متهدمة ..
أو في دماءهم غارقين ....
شعب مصر الحبييييييب الصبوووووووووور المهاود....
شعبي المهلس المحشش المدندش
اللي نايم في العسل
شبابي حبيبي
يا ميت في نانسي
وهيفا
وتامر
وعايش متنح ...
شباب مصر : عاوزين تحاربوا .. تجاهدوا طييب سؤال
هو المولى -عز وجل- مش عالم بما يحدث ؟
يري وهو السميع البصير؟
طب احنا نستحق فلسطين؟
الشعب اللي نايم آيم على انغام الموسيقى ومش قادر يبطلها ومش قادر يقتنع انها حرام؟؟؟؟؟؟؟؟؟؟؟
طب ربنا هو اللي قال حرام؟
طب النبي صلى الله عليه وسلم ثابت عنه في كتب الحديث ان الموسيقى حرام
يبقى احنا نستحق فلسطين ؟
طيب الجيش اللي حرر القدس مع صلاح الدين ...كان بيقوم الليل
احنا كام واحد فينا يا 85مليون بيقوم الليل
بنقول نفتح باب الجهاد
طب احنا عارفين يعني ايه جهاد؟
ولا معلوماتنا عنه أنها لبني عبد العزيز في فيلم وآإسلاماه
عاوزين حاكم كويس ديمقراطي
بصوا كده كويس على نفسنا
احنا ممكن نسمع رأي حد بينتقد فينا من غير ما نزعل؟
تقبل مراتك تقولك القرار دا غلط؟
تقبل النقاش الجاد مع مراتك؟
دا نت بتدخل بيتك بوزك شبرين
تقبل أمك تقولك ما تشربش سجاير تقوم راميها ومبطلها على طول؟
طب مش دي أفعالنا ؟
طب ومش النبي - صلى الله عليه وسلم- كما قال فيما يعني أن الحكام هو أعمالنا ؟
طب ممكن أسأل الشباب سؤال ؟
هو انتوا فاكرين اللي بيروح الحرب والجهاد دا بيرج شهيد وخلاص ؟
دا ممكن يرجع متقطع وبرضه عايش
يعني عنيه تتعمى
اديه تتقطع
رجليه
ميعرفش يمشي تاني
هل انتوا على استعداد لكل دا ؟
ما تقواليش أه
أحنا اتفزعنا من صوت القنابل في التلفزيون
وأهل فلسطين
كل يوم بيناموا ويقوموا على صوت الرصاص
عشان كده لما شفنا بعض الناس الجرحى
وحالتهم خطيرة
إزاي صامدين استغربنا
الواحد فينا بيشكه دبوس ولا رجليه - ربنا يعافينا تنكسر يولول كيف الحريم
دا غير أنك لازم لما تخرج للجهاد
تكون خارج لإعلاء كلمة الحق والدين
بتقاتل عشان ربنا
لله
مش عشان تموت وتدخل الجنة
مش عشان يقولوا مات شهيد
كام واحد فينا بيعرف لغات ؟
متمكن يعني
طب كام واحد في دول عامل مدونات باللغات دي يشرح فيها الإسلام ؟
كام واحد
كام واحد فكر يترجم الكتب اللي كل يوم بتصدر في أوروبا عشان نبقى أمة إقرأ بجد
ونقدر نفهم العالم حوالينا ماشي ازاي
ونقدر بعدها نفهم العالم تعاليم ديننا صح
طبعا كل واحد ناوي يسسستهزأ بالكلام دا
ويقول يه علاقته باللي بيحصل في غزة
طب إقرؤا إن شئتم قول الله تعالي " إن تنصروا الله ينصركم ويثبت أقدامكم"
وإقرأ معي يا بني أنت وهو سورة الإسراء
أول صفحة منها
حتعرف إيه علاقة دا باللي بيحصل في غزة
عموما لازم نتغير ويشوف ربنا منا خير
لأجل ما يغير حالنا
ونسيبنا شوية من ناسي وعجرم
والفحش والتفاحش دا
ما ينفعش خواتنا في غزة ينسحلوا كل دا
واحنا لسة بنفكر حنسهر فين في رأس السنة
وبنتمني إنجي على تجيب تامر هجرس تاني
ولا تامر حسني
أي تامر والسلام
مينفعش نطلع مظاهرة نندد ونشجب
وبس !!!!!
طب فين التبرعات ؟ متقوليش مش بتوصل
أمال الشاحنات اللي متحملة ومستنية فرج ربنا على رفح
دي تبقى ايه ؟؟
حتى ولو مش حيوصل منها غير شوية فلوس
مش احسن ما نقابل ربنا نقوله كنا بنشجب ونندد؟؟؟؟؟
وندعي ربنا يغير الأحوال
وندعي كتير الدعاء سلاح الأنبياء مش العجزة
ونحترم ديننا
يعني لما منقدرش نعمل حاجة او مش متأكدين من صحتها
منشككش في الشخص
ونقول دا كلام فاضي
فكم من كلام فاضي اكتشفنا انه دين مش كلام فاضي
خلينا ندعي ربنا باصلاح ذات بيننا
وبالهدي
وأن يخفف عن أهل غزة
وأن يسدد رميه المجاهدين فيهم
البوست اللي جاي إن شاء الله عن التفاهات اللي حاصله في العالم العربي
قال عربي قال
هناك 10 تعليقات:
ماذا اقول
وقد عجز الكلام عن التحدث
وكيف اعلق على تلك الكلمات القاسية
ولكن ما احس به ان هناك امل
فى الاصلاح برغم كل السلبيات
برغم كل ما نراه فى مجتمعنا
الا ان هناك بريق من نور
تقبل مرورى
الله ينور هو ده الكلام(إن الله لا يغير ما بقوم حتى يغيروا ما بأنفسهم)
الخير فى امتى
سيكون الخير ان شاء الله
رغم كل واقع محبط
أختي
كلماتك فعلا قاسية
بتضغطي على الجروح اللي بنحاول نتناساها
كلنا احساسه بالعجز بيقتله
انا و معظم اللى اعرفهم من الشباب بنتمنى يفتحولنا باب للجهاد
لكن الرأي الأخير طبعا لللحكام الله يهديهم
حتى الشباب اللى السكينة سارقاهم و مداومين على المعاصي
برضه وقت الجد بتلاقيهم رجالة
نسأل الله ان يستخدمنا و لا يستبدلنا
السلام عليكم
سعيد بتواجدي لاول مرة
.
.
العظماء الذين حاربوا في يوم بدر و هم قلة و انتصروا لم يكونوا معصومين من الخطأ ..
كان فيهم من يعصى الله سواء كبرت هذه المعصية او صغرت .. بدليل ان الله كافئهم بأن غفر لهم ..
لماذا اقول هذا الكلام ؟؟
لاني الاحظ ان البعض و لا اقصد انك منهم يتخيلون اننا لن نحارب و ننتصر الا بعد ان نصير شعبا ملائكيا بلا ذنوب او اخطاء ..
.
.
اتفق معك تماما في موضوع ان بغية كل متحمس للجهاد هو الشهادة و حسب ..
فعلا .. اتعجب جدا من توقع الجميع للموت و كأنه النتيجة الحتمية لأي محاولة للوقوف في وجه العدو الصهيوني ..
ببساطة لن ننتصر ابدا طالما ان هذا التصور في مخيلتنا لا يبارحه
.
.
مرة اخرى سعيد بالتواجد عندك و اتمن ان لا اكون قد اثقلت عليك
بسمة الورد
أكيد واثقين بنصر الله
أكثر من ثقتنا في آبائنا
ثبتهم الله ونصرهم
اللهم آمين
هبة نور اليقين
والبعض فسرها ( حتى يغيروا ما بأنفسهم) من خير من عند الله إلى شرور من أنفسهم
فيستحقوا ما كتب لهم مما لا يحبون
واثقين في النصر
ربنا لا تواخذهم بما فعل السفهاء منا
وثبتهم
قتلانا في الجنة وقتلاهم في النار
الشاعرة شيماء سمير
شرفتي المدونة
بإذن الله ولندعو الله أن يوفقنا لما يحب ويرضى لنجد النصر يأتينا من كل فج
احمد زوج
طبعا تحياتي وتقديري
لكن للحرب مقومات والحرب خدع وتكتيك
أهل غزة يعرفون دروبها أكثر مما نعرف نحن خطوط أيدينا
اعتقد أننا بدأنا نعي خطورة القضية
أبنائنا الآن يتبرعون وينددون
آن الوقت لنفتح الجرح
أطفالنا في كل مكان
أنتم من سيهزم الهزيمة
أخي عبد الحميد محمد
أتفق طبعا معك
ولكن نحن تفشت فينا الأمراض التي لم تكن في أسلافنا
بحديث لسيد الخلق سيدنا محمد صلى الله عليه وسلم
لأننا تفشت فينا الفاحشة وأذعنا بها
ليلا نهارا جهارا
في كل وسائل الاعلام
نسأل الله أن يرحمنا ويرحمهم
ويهدي كل عاص منهم
إرسال تعليق