مش بوقولكم ضايعين ...ضايعييييييييييييييين...
ما بين افراط وتفريط....
ناس عاوزينها تبقى مأذون....وناس عوزينها تبقى قاضي..
وناس عاوزينها تبقى كرسي مطبخ ...
اه والله في ناس نفسها تفجر نون النسوة وتلغيها من القاموس...
والأعجب ان الستات تصدق هذا الكلام عن تحرير المرأة في البرامج اللي زي هالة شو سابقا
مجموعة ستات فشلن في تحقيق استقرارهن في بوتهن
قوم ايه...تطل علينا ببرامج لهدم البوت المصرية تحت اسم حرية المرأة
تحت اي مسمى ممكن ندرج بند حرية المرأة في انها تكون مأذون
طب لو الكتب اللكتاب في المسجد ؟!!وهي حائض
مش حرام تدخل المسجد(...إلا عابري سبيل)؟!!
وهي هنا مش عابر سبيل وما فيش ضرورة تحتم عليها شغلانة زي دي
يعني تنتفي كل الضرورات التي تبيح لنا مثل هذا العمل
تحت أي بند تولى إمرأة قاض في ظل نقصان شهادتها...
تحت أي بند نحكم الستات .. اللائى تتحكم في حكمهن العواطف ؟
واحنا نعرف ازاي الراجل ممكن يعمل غسيل مخ للست من دول....
من امتى الست تبقى وكيل نيابة ؟ في ظل هذا الكم من المهازل التي تطالعنا كل يوم من اعتداء مجرمين على ظباط شرطة
ووكلاء نيابة؟
مين اللي قال دي حرية؟
الحرية التي يريدونها
ان تصبح المرأة مستباحة مثل طبق الأرز باللحم على موائدهم
مستباحة في شوارعهم
مستباحة وتحت الطلب للتعري باسم الفن والغناء
حتى تحولت المراة إلى مجرد غانية
والمحترمة كئيبة
والمتدينة ...وحشة
وكخ
أمال ليه بتوع حقوق المرأة مش بيناقشوا حق المرأة في انها تتحجب ؟!
يعني لما طلع عم الكتكوت وقال على الحجاب رجعية ...محدش طلع علينا يعني من بتوع حرية المرأة ؟؟
محدش هلل وطبل وزمر ليه؟؟مش دي حرية ؟؟ ولا أييييييييه؟؟
انا حرة ان محدش يشوفني لما البس نقاب... ليه بقى الضجة اللي حصلت وطلع عمك المفتي يقولك اصله لا فرض ولا فض وعبادة ....أمال ايه بتنجان ؟!ولاقهوة سادة؟؟
طب أمال ايه اللي عبادة؟ العري في المسلسلات والأفلام ؟ يعني العبادة فيلم حين ميسرة ولا هي فوضي؟
الحرية يعني اني انا اعمل اللي عاوزة تحت سقف الدين الذي ادين بيه .. واحترم قوانين البلد اللي انا فيها
حرية المرأة أن تحترم نفسها
ألا تصبح المرأة مجرد جسد يستهان ويستباح
مش دي الحرية يا بتوع حرية المرأة
حرية المرأة في التعليم الحر .. التعليم اللي يكفل لبنتي انها ما تقعدش جنب زميلها في المدرج لأن دا حرام
حرية المرأة في أنها لما تنزل العمل يكفل لها ساعات عمل محددة مش القطاع الخاص يبهدلها كيفما يحلو له
حرية المرأة إن الستات المنتقبات تحترم
الستات المحجبات تحترم
الست اللي عاوزة تطيع جوزها وتكمل معاه مشوار حياتهم صح تحترم
حيه دي حرية المرأة يا من صدعتم ادمغتنا بحرية زئفة ...
هناك تعليق واحد:
الصديقة العزيزة مروة
اهو اعجابى السابق بمدونتك كوم
واعجابى بعد البوست ده كوم تانى
:)
انا حاسس انك قريتى أفكار معظم المصريين تجاه الموضوع ده وكتبتيها فى البوست الرائع ده
ومفيش كلام تانى يتقال
رغم كل القيود والمحاذير دى
ايه الداعى اللى يخلى المرأءة تشتغل مأذونة ؟
قلة رجالة ؟؟
قلة فرص عمل للسيدات ؟؟
ولا هى منافسة ومطاحنة والغاء قوامة الرجل وخلاص
والله ما تتصورى تأثير قرار المحكمة بتعينها مأذونة ده أثر فيا أد ايه
بجد قعدت كذا يوم محبط ومتضايق جدا
حاجة بجد تقرف
:(
تحياتى
أحمد
إرسال تعليق