ومن النوع المفتخر كمان.....
أخي الحبيب المحلوب... من كام يوم قاعد بيكلم ماما
سمعته بقولها ...في رجالة راحتها كده...
يعني من حقه هو راحته أنه
الساعة 3بالليل يصحيها يقولها اومي اعمليلي شاي !!!!!
علامات التعجب في الكي بورد مش ممكن تكفي
لما استغربت قال حقه
حتى لو هيه بتشتغل
*************
صورة تانية:
أمبارح وأنا راجعة من الشغل
كنت راجعة عن طريق البحر ولأني مزوغة بدري كانت الساعة حوالي 3.30
عينيكو ما تشوف الا النور
البحر زحمة وابوقير جزمة
وكل سنة وانتم طيبيين
انا : واقفة في وسط الطريق احاول اوقف تاكسي
لا حياة لمن تنادي
اقوله ......اسم شارعنا .....يا اسطي؟
يقولي هو دا وقته
هو انا قلتلك وديني المريخ عن طرق زحل؟
يا رااجل ....بلا كلام فارغ
عموما ان وقفت كده على جنب
ناحية الجمعية القديمة
اللي بقت خربة فاكرينها ؟؟؟
يا عيال اللي تحت الأرض
ايوة اللي كان فيها سلالم متحركة
المهم أنا وقفت أسب وألعن
لما افتكرت الزوج اللي المحروس اخويا
قال عليه
لقتني بقول يلعن أبو دي جوازة
علشان؟؟؟؟ اتجوز واحد يقومني من نومي وانا طالع عين اللي خلفوا اهلي
من شغل ومواصلات وعيال وبيت وهو المحروس الننوس علشان كوباية شاي
يقطع دي جوازة
حراااااااااااااااام
عشان ايه؟
احمل اللقب ويبقى بدل ما قبل اسمي أ/ يعني آنسة
يبقى م/ يعني مدام ؟؟!!!!!
يلعن ابو دي جوازة
ربنا ما يحكم علينا ابدا
ما انا بشتغل وربنا رازقني
يبقى أنا احتاجي له مش يصرف عليا ويذلني
لا ....
أنا عاوزة السكن
عاوزة المودة
عاوزة الرحمة
عاوزة .....اضرب اخويا
لأن كلام خطير زي اللي قاله دا
حيؤثر في قطاع عريض
لأن أخويا ......ملتحي
***************
ليست هناك تعليقات:
إرسال تعليق