جاية أقولك
طيارتي مش نازلة المطار
مالهوش لزمة الانتظار
ارجع لبيتك وشقتك
وانسج خيوط
تمام
زي العنكبوت
من وحدتك
ارجع ووفر وقفتك
وحيد في ساحة الانتظار
غيرت ليه رحلتي؟
دي دنيتي
وانا حرة فيها
ارحل بعيد
ااقرب هنا
ما هيش دنيتك
من حقي اغير رحلتي
وابعد قوي عن رحلتك
طريقنا مش نفس الطريق
طريقك مشيتة وانتهي
وانا ابتديت
امشي طريقي من هنا
لوحدي؟
مش عارفة النصيب
لساه مخبي عشاني ايه؟
انسي اللي فات
ومن جديد ابتدي
ما انتش وحيد
دور على اللي ياما عرفتهم
أيام ما كنا لبعضها
ولا اقولك خليك لوحدك مش ذنبها
اللي حتيضع وقتها
في حب مش مكن يدوم
فكر كتير في اللي فات
وابكي بحرقة وفي سكات
يمكن
تدوق طعم الألم
مرة في حياتك
تعرفه
ووفر على نفسك كتير من وقفتك
وحيد في ساحة الانتظار
طيارتي مش نازلة المطار
فمالهوش لازمة الانتظار
16/3/2009
10/3/2009
دا شكلها وهي مزاجها متعكر
بالرغم من اني عارفة ان حتستلموني تريأه
بس ولو
بس ولو
مطلوب قط للتزاوج
نامت على الكمبيوتربتاعي بعد مباراة حاسمة من الغلاسة علياالسلالة : رومي
مطعم
من قاطني الاسكندرية
لقطة عمرها 9شهور
أدب وأخلاق يا بنترومي بيضاء بيور
حبه دلعمطعمة
مدربة
اللي عنده القط بالمواصفات دي
الله يستره
يكلمني
قطتي زهقتني في عيشتي
ومحدش يقولي عقميها
لما ادوخ السبع دوخات
يبقى وقتها حلال
التعقيم
قبل كده حرااااااااااااااااام
بفتوي من أحد علماء الأزهر الشريف
متتاخروش عليا
وياريت محدش يستهبل في الكلام
وفي التعليقات
مش معني ان بني آدم مش عارفين يتجوزوا
نبقى نحرم الحيوانات كمان
و....
كل عام وانت جميعاً بخير
الاشتراك في:
الرسائل (Atom)